Дьокуускайга сокуоннай сааһын ситэ илик кыыһы массыына быһа охсон ааста. Бу туһунан СӨ Суолга куттал суох буолуутун судаарыстыбаннай инспекциятын пресс-сулууспата иһитиннэрэр.
«Тойота Саксид массыына суоппара, Жорницкай уулассатынан Семен Данилов аатынан уулусса диэки айаннаан иһэн, хонтуруолламмат суол туорааһыныгар сокуоннай сааһын ситэ илик 14 саастаах кыыска баһыйар өрүтү биэрбэтэ», — диэн этиллэр.
Саахал тахсыбыт сиригэр кэлбит суһал көмө эмсэҕэлээбит кыыс сиһин тоноҕоһун уонна сототун эчэппитин быһаарда. Кыыска бастакы суһал медицинскэй көмө оҥоһулунна.
Саахал тахсар кэмигэр суоппар дьахтар арыгы испэтэх, чөл туруктаах сылдьыбыт. Саахал тахсыбыт түбэлтэтин быһаарар үлэ ыытыллар.
