Атырдьах ыйын 7 күнүгэр Дьокуускай Космомольскай болуоссатыгар «Своих не бросаем» патриотическай аахсыйа буолла. Бу туһунан СӨ Ыччакка министиэристибэтин пресс-сулууспата иһитиннэрэр.
Дойду Бэрэсидьиэнэ Владимир Путин Украинаҕа байыаннай эпэрээссийэни ыытарын, РФ Сэбилэниилээх күүстэрин байыаннай сулууспалаахтарын өйүүр сыалтан ыытылынна.
Тэрээһиҥҥэ «Российские Студенческие Отряды», «Молодая Гвардия Единой России», «Zема», «Объединенный студенческий совет общежитий СВФУ», «Юнармия Якутии», ХИФУ профсоюһа, «Волонтеры Победы», «Юные Карбышевцы» эдэр ыччат тэриллиилэрэ уонна Дьокуускай дьалтатыттан бэрэстэбиитэллэр кытыннылар.
Ону тэҥэ эдэр дьон иннигэр СӨ Бырабыыталыстыбатын бэрэссэдээтэлэ Андрей Тарасенко, ыччат миниистирэ Петр Шамаев, СӨ ИДьМ иһинэн бойобуой дьайыылар бэтэрээннэрин ассоциациятын бэрэссэдээтэлэ Николай Гребенников, өрөспүүбүлүкэ уопсастыбаннай палататын аппараатын салайааччыта Анжелика Андреева уо.д.а. тыл эттилэр.
