Өрөспүүбүлүкэ киин куоратыгар уонна сорох оройуоннарыгар коронавируһунан ыалдьыы ахсаана 30%-нан аҕыйаабыт. Бу туһунан Саха сирин баһылыгын уонна бырабыыталыстыбатын пресс-сулууспата иһитиннэрэр.
«Өрөспүүбүлүкэҕэ эпидемиологическай быһыы-майгы тубуста. Биһиги балаһыанньа өрүү маннык буоларыгар дьулуһуохтаахпыт. Ааспыт нэдиэлэ түмүгүнэн, Дьокуускайга уонна сорох оройуоннарга коронавируһунан ыалдьыы ахсаана 30%-нан аҕыйаабыт», — диэн Айсен Николаев эттэ.
Ол эрээри, вакцинация көрдөрүүтэ 65%-тан улаатта илик оройуоннарга быһыы-майгы уустугунан хаалар.
«Элбэх киһи мустар сиригэр хааччахтыыр миэрэлэри, социальнай дистанцияны тутуһууну өрөспүүбүлүкэтээҕи суһал штаб хонтуруоллуохтаах», — диэн Ил Дархан тоһоҕолоон эттэ.
