Өрөспүүбүлүкэ киин куоратыгар 2007 сыллаах төрүөх эдэр киһи, ХИФУ бастакы кууруһун устудьуона балыыһаҕа өлбүт. Барыллаан иһитиннэриинэн, сэтинньи 1 күнүгэр уопсайга охсуһуу буолбут, ол түмүгэр тыына быстыбыт уолу күүскэ кырбаабыттар. 18 саастаах устудьуон кырбааһыҥҥа уорбаланар диэн СИА иһитиннэрэр.
«Сэтинньи 1 күнүгэр СӨ ИДьМ “Якутское” иккис отделыгар медицинскэй тэрилтэттэн 18 саастаах эдэр киһи улахан эчэйиилээх балыыһаҕа киирбитин туһунан иһитиннэрии киирбитэ. Быһылаан тахсыбыт миэстэтигэр полиция силиэстийэлиир-суһал бөлөҕө тиийбит. Холуобунай ирдэбил үлэһиттэрин суһал-көрдүүр үлэлэрин түмүгэр киһини эчэтиигэ уорбаланааччыны быһаарбыттар — 18 саастаах устудьуон», — диэн СӨ ИДьМ иһитиннэриитигэр этиллэр.
Быһылааҥҥа суорума суолламмыт устудьуон юридическай факультекка үөрэнэ сылдьыбыт, оттон уорбаланааччы – ХИФУ геолого-разведочнай факультетыгар.
Хомуллубут матырыйааллар СӨ Силиэстийэлиир Кэмитиэтигэр бэриллибиттэр.
