Устудьуоннар тутар этэрээттэрин чилиэннэрин өрөспүүбүлүкэ киин куоратыгар 2022 сылтан куорат инфраструктуратын эбийиэктэрин өрөмүөнүгэр уонна тутуутугар кытыннарыахтара.
Бу туһунан Дьокуускай куорат баһылыга Евгений Григорьев бэйэтин Instagram аккаунугар иһитиннэрдэ.
«Тутааччылар этэрээттэрэ куорат үлэтигэр үлэлиир кэмнэрэ үүннэ. Сайыҥҥы кэмҥэ барыта 153 CCO байыаһын кытыннарар былааннаахпыт. Кинилэр воркаут-былаһааккатын оҥоруохтара, көҕөрдүү үлэтигэр, эргэ мас тутуулары көтүрүүгэ үлэлиэхтэрэ. тротуардары өрөмүөннүөхтэрэ, бордюрдары ууруохтара», – диэн кини суруйар.
Куорат баһылыга бу бырайыак түмүгүнэн бырагырааманы кэҥэтии боппуруостара көрүллүөхтэрин сөбүн бэлиэтээтэ.
