Коронавирус инфекциялаах ыарыһахтары эмтиир «Авифавир» препарат Россия доруобуйа харыстабылын министиэристибэтин биһирэбилин ылла. Бу туһунан ТАСС иһитиннэрэр.
Препарат Россия көнө инвестицияларын пуондатын уонна «Химрар» хампаанньалар бөлөхтөрүн холбоһуктаах тэрилтэтинэн оҥоһулунна. Бу Японияҕа 2014 сылтан грипп ыарахан көрүҥүн эмтээһиҥҥэ туһаныллар «Фавипиравирга» олоҕуран оҥоһуллубут Россия бастакы препарата буолар.
Клиническэй чинчийиилэр бастакы түһүмэхтэрин түмүгүнэн куттала суоҕун көрдөрдө, ханнык да саҥа, урут регистрацияламматах уратытык дьайыы бэлиэтэммэтэ. Көдьүүһэ 80 %-тан үрдүк, бу вируһу утарсар үрдүк активностаах препарат көрдөрүүтэ буолар.
Ыам ыйын 21 күнүгэр доруобуйа харыстабылын министиэристибэтэ 330-кэ тиийэр ахсааннаах ыарыһахтарга түмүк боруобаны ыытарга көҥүл биэрдэ.
Быысаһар клиническэй чинчийиилэрин түмүктэринэн, препарат коронавирус инфекцията ууһуур механизымын алдьатара бигэргэтиллибитэ бэлиэтэнэр.
