«От Полюса Холода до Белокаменной» экспедиция кыттыылааҕа Дугуйдаан Винокуров уолун Дарханы кытта Москваҕа үктэннэ.
Кини 11 тыһыынча килэмиэтири атынан айаннаан, Россия 17 регионун быһа охсон, биир сыл түөрт ыйы айаннаан дойду тэбэр сүрэҕэр тиийдэ.
«Айан сыала — саха атын дьулуурун, тулуурун, күүһүн, кыаҕын көрдөрүү. Маны барытын бэйэм кыайдым диир кыаҕым суох. Наһаа элбэх киһи көмөлөстө, онон бары бииргэ айаннаан кэллибит», — диэтэ Дугуйдаан.
Салгыы табылыннаҕына Санкт-Петербург куоратынан Европа диэки айанныыр былааннааҕын иһитиннэрдэ.
«Европа диэки айанныырга элбэх докумуон наада, аттарга эмиэ. Онон кыаллар буоллаҕына Санкт-Петербург куоратынан Европа диэки айанныам, табыллыбатаҕына дойдубутугар барыахпыт», — диэтэ кини.
