Владимир Путиҥҥа маннык ис хоһоонноох этиини уопсастыбаннай приемнай нөҥүө «Движение Первых» оҕо уонна ыччат бүтүн Россиятааҕы түмсүүтүн кыттыылаахтара, үөрэнээччилэр ыыттылар.
Оҕолор көҕүлээбит санааларын Владимир Путин Саха сиригэр итэҕэллээҕэ Валерий Лютай иһиттэ. Ол курдук, эр санааланыы уруогун араас сыллаах бойобуой дьайыы бэтэрээннэрэ, итиэннэ СВО кыттыылаахтара ыытыахтарын сөбүн туһунан этиллэр. Эдэр актыбыыстар патриотизмы, Ийэ дойдуга тапталы уонна киэн туттууну дьиҥнээхтии дойду туһугар туруулаһан охсуспут эрэ киһи тиэрдиэн сөбүн бэлиэтииллэр.
Санатан эттэххэ, Дьокуускайга Владимир Путин уопсастыбаннай приемнайа 2023 сыл ахсынньытыттан үлэлиир. Волонтердар өрөспүүбүлүкэ олохтоохторун санааларын, этиилэрин дойду бэрэсидьиэнигэр хандьыдаакка тиксэрэллэр.
