Тохсунньу 1-2 күннэригэр «Дыгын оонньууларын» 7 төгүллээх кыайыылааҕа Иван Белолюбскай дойдутугар Уус Алдаҥҥа «Чөмпүйүөн кубога» ыытыллыаҕа. Бу турнир «Дыгын оонньууларын» иккис сүүмэрдиир түһүмэҕинэн буолар.
«Барыта 40 спортсмен кыттара билиннэ. Икки күн устата сэттэ көрүҥҥэ илиҥ-кэлиҥ түсүһүөхтэрэ. Манна аан мастакытын да кыттар уолаттар, ааттаах-суоллаах боотурдар эмиэ бааллар. Онон күрэх олус тыҥааһыннаах буолара күүтүллэр», — диэн Иван Белолюбскай кэпсиир.
Санатарбыт курдук, саха норуотун төрүт оонньууларыгар күрэхтэһии аан бастаан Дьокуускайга 1990 сыллаахха ыытыллыбыта, ол эрэн 1995 сылга диэри анал аата суох буолан «Үрүҥ Уолан» диэн ааттанара. Онтон 1995 сылтан 1998 сылга диэри ипподромҥа буолара. Билиҥҥи кэмҥэ «Дыгын оонньуулара» 1998 сылтан саҕалаан «Үс Хатыҥҥа» үгэс быһыытынан ыытыллар.
Бу субуотаҕа уонна өрөбүлгэ «Чөмпүйүөн кубогын» — «Дыгын оонньууларыгар» иккис сүүмэрдиир түһүмэх сонуннарын НВК «Саха» телеграм-ханаалыттан бастакынан билиҥ, сэргээҥ!
