Дьокуускайга, муус устар 28 күнүгэр, СӨ волейболун бэдэрээссийэтин кэмпириэнсийэтин мунньаҕа буолла.
Тэрээһин кэмигэр бэдэрээссийэ бэрэссэдээтэлэ Янис Ефимов уонна хонтуруоллуур-ревизиялыыр хамыыһыйа бэрэссэдээтэлэ Виктория Максимова оччуоттарын иһиттилэр. Мунньах түмүгүнэн, СӨ волейболун бэдэрээссийэтин кэтиир-маныыр сэбиэтин оҥорорго быһаарыныы ыллылар.
Кэтиир-маныыр сэбиэти өрөспүүбүлүкэҕэ волейбол сайдыытын стратегиятын оҥорорго, хонтуруоллуурга уонна салайарга анаан сыаллаах арыйаллар.
Сэбиэт бэрэссэдээтэлинэн СӨ Бырабыыталыстыбатын бэрэссэдээтэлин бастакы солбуйааччытын Джулустан Борисовы таллылар.
Джулустан Борисов бэлиэтииринэн, өрөспүүбүлүкэҕэ волейбол инники сайдыытыгар Саха сиригэр регионнааҕы волейбольнай киин арыллара, нэһилиэнньэни волейболунан дьарыктанарга ыҥырыы, бүтүн Россиятааҕы волейбол бэдэрээссийэтин кытта сибээһи бөҕүргэтэр наадалаах.
Ону тэҥэ мунньахха СӨ спортка уонна физическэй культураҕа миниистирин бастакы солбуйааччыта Александр Бугаев, Чурапчытааҕы физическэй култуура уонна спорт институтун бэрэсидьиэнэ Михаил Гуляев, СӨ физическэй култуура уонна маассабай спорт управлениетын салайааччы Роман Оконешников, норуоттар икки ардыларынааҕы «Азия оҕолорун» оонньууларын юношескай сборнайын старшай тренерэ Айсен Жерготов, СӨ волейболун бэдэрээссийэтин исполнительнай дириэктэрэ Яков Сивцев кыттыыны ыллылар.
