Эдэр учууталлар ассоциациаларын бэрэссэдээтэлэ Максим Спиридонов Владимир Путины өйөөн илии баттаата.
«Мин дойдум патриота буоларым быһыытынан Владимир Путины өйүүр ытык иэспин толордум. Саха сиригэр бэрэсидьиэн бырайыактарын чэрчитинэн саҥа оскуолалар тутуллаллар. Онон биһиги, учууталлар, сабыс-саҥа аныгы кэмҥэ эппиэттиир усулуобуйаҕа үлэлиибит, оҕолор үөрэ-көтө саҥа кылаастарга үөрэнэллэр», — диэтэ Максим Спиридонов.
Саха сиригэр Владимир Путин бэрэсидьиэҥҥэ турунарын өйүүргэ илии баттааһынын хомуйар пуун үлэлиир. Биир үлэ күнүн устаты пууҥҥа 200-тэн тахса киһи илиитин баттыыр.
Дьокуускайга бэрэсидьиэни өйүүр пуун «Общероссийский народный фронт» ыччат актыбыыстарын көҕүлээһининэн арылынна. Пууҥҥа Норуот фронун эдэр актыбыыстара анал инструктааһы ааһан быстала суох үлэлииллэр.
Илии баттааһынын хомуйар пуун Дьокуускайга Ленин проспегын 16-с дьиэтигэр «Столица» атыы-эргиэн киинигэр баар. Илии баттыырга паспорт эрэ наада. Пуун күн аайы өрөбүлэ суох сарсыарда 10.00 чаастан киэһэ 20.00 чааска диэри үлэлиир.
