Алтынньы 15 күнүгэр СӨ Быыһыыр сулууспатыгар алтынньы 11 күнүгэр Эдьигээн улууһун Баахынай сэлиэнньэтин олохтооҕо, 1974 сыллааҕы төрүөх эр киһи дьиэтиттэн тахсан Баахынай өрүс диэки баран сүппүт диэн иһитиннэрии киирбит.
Нэһилиэнньэлээх пуунтан 10 килэмиэтирдээх сиргэ кини балаакката турбут. Кэлин биллибитинэн, балааккатыгар диэри тиийбэккэ сүппүт. Эр киһи соҕотоҕун олорор эбит, сүппүтүн туһунан аймаҕа биллэрбит.
Алтынньы 15 күнүгэр сарсыарда 08:30 чааска олохтоохтор көрдөөн саҕалаабыттар. Быһылааны СӨ Быыһыыр сулууспата хонтуруолга ылбыта.
Бүгүн, алтынньы 16 күнүгэр, күнүс 11:00 чааска олохтоохтор сүппүтү муус аннытыгар түһэн тимирбитин буллулар.
Хаартыска: СӨ Быыһыыр сулууспата
