Кэлэр икки сууккаҕа Өлүөнэ алын тардыытыгар халлаан тымныйарынан сибээстээн Эдьигээҥҥэ Өлүөнэ өрүс мууһун устуутун тэтимэ бытаарара сабаҕаланар.
Билигин өрүс мууһа Кэбээйинэн, Эдьигээнинэн устар.
Амма өрүскэ ардах-хаар халаанын кэнниттэн намыһах сирдэр ууга баран тураллар. Өрүс аллараа сүүрүгэр Таатта улууһун Харбалаах, Чымнаайы нэһилиэнньэлээх пууннарын аннынан уу таһыма үрдүү турар. Күн устата уу таһыма 5-10 см улаатар, кэлэр сууккаларга уу таһыма намтыыра күүтүллэр.
Халыма өрүс мууһа Орто Халыманан уонна Аллараа Халыманан устар. Кэлэр сууккаларга өрүс мууһа Аллараа Халымаҕа тиийиэҕэ.
Березовка нэһилиэнньэлээх пуунугар Березовка өрүскэ уу таһыма кутталлаах кирбиини (1000 см) куоһарбыт – 1018 см. Кэлэр сууккаларга уу таһыма намтыыра күүтүллэр.
Үөһээ Дьааҥы улууһугар Дьааҥы өрүс учаастагар Дьааҥы-Баатаҕай диэки ырбыы тахсыбыта бэлиэтэнэр. Кэлэр икки сууккаҕа улууска халлаан тымныйарынан сибээстээн Дьааҥы уонна Адыаччы өрүстэр эстиилэрин тэтимэ бытаарда. Билигин өрүс мууһа Кэбээйинэн, Эдьигээнинэн устар.
Индигиир өрүскэ уонна кини салааларыгар уу таһыма үрдээбитэ бэлиэтэнэр – сууккаҕа 10-тан 40 см диэри. Үөһээ, орто сүүрүктэригэр муус хамсааһына, ырбыы тахсыбыта бэлиэтэнэр.
