Үөһээ Бүлүү улууһугар кулун тутар 8-12 күннэригэр диэри футзалга өрөспүүбүлүкэ чемпионата буола турар. 2027 сылга Ньурба улууһугар ыытыллар 9-с Саха сирин норуоттарын спортивнай оонньууларыгар кыттарга 6 путевка оонньонор. Күүрээннээх киирсиилэр үс хоһуун уораҕайыгар буола тураллар.
19 улуустан хамаандалар кытталлар, бииртэн биир оонньуу олус тыҥааһыннаахтык бара турар, спортсмен уолаттар күүстэрин-уохтарын, сымса хамсаныыларынан сөхтөрөллөр, көрөөччүлэр ыһыытаан-хаһыытаан хамаандаларын өйүүллэр.
Үөһээ Бүлүүлэр былаахтарын күөрэччи көтөҕөн путевка ылардыы күүскэ туруннулар. Хас биирдии хамаанда чилиэнэ сатабылын, дьоһуннаах дьоҕурун көрдөрдө
Түмүктүүр киирсиилэр чугаһаатар чугаһаан иһэллэр, ол аайы хас биирдии оонньуу өрө күүрүүлээх буолан иһэр. Ленскэй оройуон хамаандата чаҕылхай голлары киллэрдэ.
Күрэх буолбута төрдүс күнэ, сарсын финалга бастыҥ хамаанда ким буолара биллиэ.
