Үөһээ Дьааҥы улууһугар 120 төбө сүөһүгэ саҥа хотон уонна аныгы үүт сыаҕа арылынна

Тыа хаһаайыстыбатын үлэһитин күнүн көрсө Үөһээ Дьааҥы улууһугар «Полюс Холода» тэриллии уонна кини «Алгыс» кээпирэтиибин икки улахан эбийиэгин үөрүүлээх аһыллыытын сиэрэ-туома ыытылынна – 120 төбө сүөһүгэ саҥа хотон уонна модульнай үүт сыаҕа.

Үөрүүлээх тэрээһиҥҥэ СӨ Бырабыыталыстыбатын бэрэссэдээтэлин солбуйааччы Сергей Местников уонна СӨ тыа хаһаайыстыбатын миниистирин солбуйааччы Николай Афанасьев кыттыыны ыллылар.

Ыалдьыттар саҥа эбийиэктэр үлэҕэ киириилэрэ Үөһээ Дьааҥы улууһун тыа хаһаайыстыбатын сайдыытыгар саҥа төһүү күүс буолуоҕун бэлиэтээтилэр.