Үөһээ Дьааҥы улууһугар Эгин нэһилиэгэр Сайдыы сэлиэнньэтигэр Бытантай өрүскэ уу таһыма эмискэ үрдээбитинэн ыксаллаах быһыы-майгы эрэһиимин биллэрдилэр. Бу туһунан СӨ Быыһыыр сулууспата иһитиннэрэр.
22.40 чааска уу таһыма 1076 см тэҥнэспит, балтараа чаас иһигэр 1 см улааппыт. Кутталлаах кирбии 804 см-тан саҕаланар.
Сайдыы сэлиэнньэтигэр быыһыыр үлэҕэ Ми-8 бөртөлүөтүнэн быыһааччылар кэлбиттэрэ. Көтөр аал 1290 киилэ гуманитарнай көмөнү аҕалбыта, ол иһигэр иһэр уу, бородуукта, электростанция, ууну хачайдыырга насос. Ууга былдьаммыт сэлиэнньэттэн 18 киһини эвакуациялаатылар, ол иһигэр 8 оҕо.
Быстах кэмҥэ олорор пууҥҥа 21 киһи баар, ол иһигэр түөрт оҕо. Бүгүн быыһааччылар тиэргэннэргэ үлэлээн саҕалыахтара уонна олохтоохторго гуманитарнай көмөнү ылыыга көмөлөһүөхтэрэ.
Хаартыска: СӨ Быыһыыр сулууспата
