Россия экологическай уопсастыбатын салайааччыта Рашид Исмаилов регионнааҕы ойуур баһаарын киинэ өрөспүүбүлүкэҕэ баһаардары хонтуруоллууру күүһүрдүөҕэ бэлиэтээтэ.
Эксперт нэһилиэнньэлээх пууннары уот таарыйбатаҕа федеральнай киин уонна регионнар былаастара суһаллык үлэлииллэрин түмүгэ диэн бигэргэттэ.
«Өрөспүүбүлүкэҕэ регионнааҕы ойуур баһаарын киинэ тэриллэрэ улахан суолталаах. Ити баһаарынай быһыыны- майгыны хонтуруоллааһыны күүһүрдүөҕэ уонна наадалаах ресурсалары түмэргэ көмөлөһүөҕэ», — диэн Россия экологическай уопсастыбатын салайааччыта кэпсээтэ.
Рашид Исмаилов этэринэн, «Авиалесоохрана» өрөспүүбүлүкэ үгүс баһаардаах оройуоннарыгар олус элбэх сөҥүүнү ыҥырар «Циклон» сөмөлүөт көдьүүстээх үлэни көрдөрдө.
«Биир саамай суолталаах түгэн — Владимир Путин Айсен Николаевы ойуур баһаарын умуруорууга федеральнай бүддьүөттэн субвенцияны түҥэтии саҥа методикатын бигэргэтии боппуруоһугар өйөөтө. Бу үгүс регионнарга сыһыаннаах кыһалҕа», — диэн эксперт түмүктээтэ.
