19 киһилээх альпинистар бөлөхтөрө Эльбрус эниэтигэр тахсан иһэн хомолтолоох түбэлтэни көрүстэ, кинилэр ортолоругар өрөспүүбүлүкэ киин куоратын олохтооҕо, дьахтар баар. Бу туһунан ТАСС иһитиннэрэр.
Балаҕан ыйын 23 күнүгэр киэһэтигэр альпинистар күн-дьыл усулуобуйата мөлтөөбүтүнэн сибээстээн көмө көрдөөбүттэрэ.
Бөлөҕү көрдүүр сиргэ сөкүүндэҕэ 40 миэтэрэ түргэннээх буурҕа түспүт, салгын температурата -20 кыраадыска диэри тымныйбыт, көстүү мөлтөҕүнэн көрдүүр үлэни уустугурдубута.
«Билигин быыһааччылар аҕыс киһини буллулар. Хомойуох иһин, олортон үс киһи өлбүт», — диэн регионааҕы ЫБММ агентствота суруналыыстарга кэпсээтэ.
Эмсэҕэлээбиттэри барыларын хайа эниэтиттэн түһэрбиттэр, кинилэр туруктара орто истиэпэннээх курдук сыаналыыллар. Биир альпенист сото уҥуоҕа тостубут, кинини балыыһаҕа иттилэр.
