Өрөспүүбүлүкэтээҕи киин электрическэй ситим энергетиктэрэ суол кытыытынааҕы солооһуну ыраастааһыннара сыллааҕы былаантан эрдэлээн иһэр. Бу туһунан Киин электрическэй ситим пресс-сулууспата иһитиннэрэр.
«Ыраастааһын үлэтэ электропередача ситимин мас лабаата таарыйан технологическай кэһиини оҥорор кутталын аччатар. Ону тэҥэ ыраастаммыт солооһун тыа баһаара тэнийбэтин туһугар мэһэй буолар», — диэтэ былааннааһын уонна бэлэмнэнии сулууспатын салайааччыта Владимир Дьяконов.
Энергетиктэр уопсайа 132,7 га иэннээх мас-сэппэрээк үүнүүтүн Амма, Горнай, Мэҥэ Хаҥалас, Нам, Таатта, Томпо, Уус Алдан, Уус Майа, Чурапчы, Хаҥалас улуустарыгар уонна Дьокуускай куоракка ыраастаатылар. Үлэ уопсай кээмэйэ сыллаа5ы былааннаммыт 1577 га иэннээх сиртэн 71,7%-ҥа тэҥнэһэр.
«Сыл саҕаланыаҕыттан солооһуну илиинэн — ол эбэтэр электрическэй эрбиинэн ыытабыт. Сылаас күннэр турдахтарына анал тиэхиньикэнэн үлэлиибит, бу үлэни түргэтитэр», — диэтэ Владимир Дьяконов.
Билигин Горнай улууһугар улахан үлэ ыытылла турар. Бэрдьигэстээх энергетиктэрэ былааннаммыт 124 га сири куоһаран, 216 гааны ыраастаатылар.
Уус Алдан Бороҕонугар 126 га иэннээх солооһун сир ыраастанна. Билиҥи туругунан, 11 Киин улуустарга үлэ ыытылла турар.
