Бүгүн Дьокуускай куорат баһылыга Евгений Григорьев өрөспүүбүлүкэтээҕи каадырдары бэлэмниир «Якутия – земля героев» бырагыраама кыттыылаахтарын кытары көрүстэ. Киин куорат дьаһалтатыгар 8 анал байыаннай дьайыы кыттыылааҕа стажировканы ааһар.
Евгений Григорьев стажердары үлэ хайдах барарын уонна ханнык компетенцияларга үөрэнэллэрин туһунан кэпсээтэ.
Бырагыраама кыттааччыларын үлэтин дьаһалтаҕа Дьокуускай куорат баһылыгын солбуйааччы Юрий Петров, каадырдар уонна муниципальнай сулууспа Управлениетын салайааччыта Вероника Высоких салайыахтара.
Стажердарга оробуочай миэстэлэри бэлэмнээбиттэр. Хас биирдии байыас үлэни кытта үчүгэйдик билсэригэр куорат баһылыгын солбуйааччы көмө буолар. «Якутия – земля героев» бырагыраама кыттыылаахтара докумуоннары кытта үлэлииллэрин таһынан мунньахтарга уонна тэрээһиннэргэ сылдьыахтара, олохтоохтору кытта көрсүөхтэрэ.
