Ил Түмэн норуот депутата Феодосия Габышева Ил Дархан Айсен Николаев биллэрбит Үлэ сылыгар тус санаатын эттэ.
«Олох таһыма, хаачыстыбатын сайдыыта үлэттэн тутулуктаах. Төһө да ыарахан балаһыанньа буолбутун иһин, бырамыысыланнас баар буолан экономика тирэҕин сүтэрбэт. Мин этиэм этэ,бырамыысыланнас эйгэтин тупсарыыга бары идэлээх үлэһиттэр кыттыыны ылаллар», — диэн Феодосия Габышева эттэ.
Депутат норуот тыа хаһаайыстыбата, тутуу, доруобуйа харыстабыла, тырааныспар уонна социальнай хайысхалар сайдан иһэллэрин бэлиэтээтэ.
«Билигин баар боппуруостарга бука бары түмсүөхпүтүн наада. Бастатан туран, тыа хаһаайыстабытын 14,2 млрд.солк. кээмэйдээх үбүлээһинэ үтүө түмүктэри биэриэхтээх, иккиһинэн, үөрэх хаачыстыбатын таһыма түспүтүн туһунан кыһалҕа сытыытык турар. Ил Дархан уопсай үөрэҕириигэ дойду иһигэр 15 бастыҥ регионнар ортолоругар киирэргэ сорук туруорбута», — диэн кини эттэ.
Феодосия Габышева Ил Дархан сорудаҕынан 36 педагог-настаабынньыкка 100 тыһ.солк. кээмэйдээх бириэмийэни олохтуур туһунан быһаарыыны өйөөтө, ол бастыҥнары уопсастыба иннитигэр үлэлэрин иһин улуустар уонна куорат уокуруктарын олохтоохторо талыахтара.
«Биһиги педагог статуһун туһунан сокуон бырайыагын бэлэмнээтибит, 2023 сылга ылыллыаҕа», — диэн Феодосия Габышева эбэн эттэ.
Ону тэҥэ депутат Москваҕа Саха сирин нэдиэлэлэрин чэрчитинэн ыытыллыбыт тэрээһиннэрэ үтүө түмүктэрдээх буолуоҕа диэн эрэннэрдэ.
