Атырдьах ыйын 27 күнүгэр Комсомуоллар болуоссаттарыгар Го оонньуга Ил Дархан кубога ыытылынна. Гоҕа Европа биир бастыҥ оонньооччута Илья Шикшин бастаата. Бу туһунан СӨ бырабыытылыстыбатын уонна баһылыгын дьаһалтатын пресс-сулууспата иһитиннэрэр.
Иккис миэстэ Станислав Фрейляк буолла, үһүс — Александр Динерштейн.
Ону тэҥэ Уһук Илиҥҥэ бастыыр иһин күрэхтэһии ыытыллыбыта, манна Саха сириттэн, Татарстантан, Челябинскайтан, Новосибирскайтан, Нижегородскайтан, Свердловскайтан, Приморьяттан, Хабаровскайтан, Москва уобалаһыттан уонна тас дойдулартан 100-тэн тахса киһи кытынна. Күрэхтэһиилэр 9-20-гэр диэри түөрт категориянан ыытылынна. Ордук элбэх мэтээли Магадан хамаандата ылла: үс кыһыл көмүс, түөрт үрүҥ көмүс, түөрт боруонса.
Саха сириттэн соҕотох мэтээли Иван Саввин ылла, 20-гэр диэри категорияҕа боруонса призер буолла.
