Өрөспүүбүлүкэҕэ 3-үс төгүлүн «Илии сылааһа» күрэх ыытылла турар.
Манна өрөспүүбүлүкэ 13 улууһуттан биирдии хамаанда кыттар. Күрэх Аҕа дойдуну көмүскээччилэр күннэригэр ананар.
Горнай улууһуттан Одуну нэһилиэгин иистэнньэҥнэрэ Елена Дмитриевна Дьячковская салайааччылаах хамаанда кыттыыны ылар.
Хамаанда сэттэ киһиттэн турар. Бэриллибит түөрт күҥҥэ иистэнньэҥнэр сэттэ кэмпилиэк таҥаһы тигиэхтээхтэр.
Ол иһигэр икки көстүүм, флисовай курткалар, футболкалар, тактическай рубашкалар, бэргэһэ, снуд, куллуку, дождевик тигиллиэхтээхтэр.
Олунньу 17 күнүгэр киэһэ биэс чааска күрэх түмүктэнэр.
Бастыҥнар ааттара олунньу 21 биллиэхтээх.
Сүрүн бириистэр иистэнэр массыыналар буолуохтара уонна бары кыттыылаахтарга иискэ туттуллар араас мал-сал туттарыллыа.
