Ыам ыйын 8 күнүн сарсыардааҥы туругунан 3,48 миэтэрэҕэ тэҥнэспит. Бэҕэһээ, ыам ыйын 7 күнүгэр муҥутуур бэлиэни 81 сантиметрынан куоһарбытын туһунан иһитиннэрбиттэрэ. Алта дьиэ ууга барбыт: уопсайа 16 кыбартыыра. 48 киһини көһөрбүттэр, ол иһигэр 23 оҕону, итиэннэ 16 хоноҕор муостааҕы.
Маны таһынан, спортзал, кыбаартал хочуолунайа, «Ромашка» уһуйаан тиэргэнэ ууга барбыт. Арыы собуотун туһаайыытынан Чаранскай уулусса суолун уу быһа көппүт.
Горнай улууһун дьаһалтата бэлиэтииринэн, Никита Андреев салалтатынан сөргүтүү үлэтин, уу таһымын бэрэбиэркэлииллэр уонна хонтуруоллууллар.
Ыам ыйын 7 күнүгэр улуус баһылыга Бэрдьигэстээх-Дьиикимдэ айан суолун 10-с килэмиэтиригэр уу хайа сүүрбүт сирин көрбүт. Уу, быһа холоон, 108 миэтэрэ сири алдьаппыт. Билиҥҥи туругунан Дьиикимдэ сэлиэнньэтигэр диэри суол сабыллан турар.
