Горнай улууһугар «Бүлүү» федеральнай суолга буолбут быһылааҥҥа эчэйбит эр киһи билигин да ыарахан туруктаах сытар. Бу туһунан СӨ Доруобуйа харыстабылын министиэристибэтигэр иһитиннэрдилэр.
Бэҕэһээ, алтынньы 2 күнүгэр, «Бүлүү» федеральнай суол 157-с килэмиэтиригэр Toyota Hiace микроавтобус түҥнэстэн, суол быһылаана тахсыбыта. Онно эчэйбит икки киһини санитарнай рейсинэн Дьокуускайга 2№дээх өрөспүүбүлүкэтээҕи балыыһаҕа аҕалбыттара.
«Эр киһи эпэрээссийэлэммитэ, реанимацияҕа ыарахан туруктаах сытар. Иккис эчэйбит дьахтар травматологияҕа тостуулаах сытар, туруга кэминэн», — диэн министиэристибэҕэ эттилэр.
Горнай улууһугар тахсыбыт суол саахалыгар тоҕус киһи эчэйдэ диэн бу иннинэ иһитиннэрбиппит.
Источник: сайт телеканала «Якутия 24».
