Бүгүн, кулун тутар 14 күнүгэр, Горнай улууһугар «Учитель особой заботы» диэн дьиэҕэ олорор инбэлиит оҕолору иитэр-үөрэтэр учууталларга II-c өрөспүүбүлүкэтээҕи куонкурус I улуустааҕы түһүмэҕэ ыытылынна.
Куонкуруска улуус биэс учуутала уонна биир эбии үөрэхтээһин педагога кыттыыны ыллылар.
Куонкурус түөрт түһүмэхтээх ыытылынна. Кыттааччылар бэйэлэрин билиһиннэрдилэр, ситиһиилэрин сырдаттылар, үөрэтэр методикаларын көрдөрдүлэр уонна педагогическай маастар-кылаас ыытылар.
Күрэс кыйыылааҕынан Л.Е. Лукина аатынан эбии үөрэхтээһин киинин педагога Ксения Атласова таҕыста. Кулун тутар 29 күнүгэр Горнай аатыттан өрөспүүбүлүкэтээҕи куонкуруска кыттар чиэскэ тигистэ.
Куонкурус лауреаттарынан Л.Н. Харитонов аатынан Маҕарас орто оскуолатын индивидуальнай үөрэтии учуутала Катерина Андреева уонна В.Д. Лонгинов аатынан Атамай орто оскуолатын педагог-библиотекарэ, дьиэҕэ үөрэтэр учуутала Евдокия Александрова буоллулар.
Күрэскэ көхтөөхтүк кыттыбыт учууталларга анал ааттары туттардылар.
