Горнай улууһун Маҥаны нэһилиэгин эр дьоно бу өрөбүллэргэ бөһүөлэктэн чугас Орто Эбэ күөлүгэр оҕолорго анаан сааскы сынньалаҥы тэрийэр соруктаах субуотунньукка таҕыстылар.
Тыраахтардаах уолаттар тоҥуу хаары күрдьэн, биир сиргэ чөкөлөөн сыыр оҥорорго бэлэмнээтилэр. Кинилэр кэннилэриттэн күрдьэхтээх уолаттар илин-кэлин түсүһэн, муус килэрийэн тахсыар диэри күттүлэр.
Үлэни өрө тутар дьонноругар отуу уотугар буспут миин, итии чээй, сылаас алаадьы, араас бурдук астаах остуол тардылынна. Күн аҥарыттан хаҥкылыыр былаһаакка үөрбүт-көппүт оҕолорунан туолла. Салгыы түөлбэ олохтоохторугар анаан араас күрэхтэр ыытылыннылар.
Көй салгыҥҥа үлэлээн-хамнаан, оонньоон, күрэхтэһэн Маҥаныларга биир таһаарыылаах күн ааспытыттан астыналлар.
Бу туһунан «Саха» НКИХ Горнайдааҕы филиала иһитиннэрэр.
