Горнайдар Кыайыы знамятын уруйдуу көрсөллөр

Улуу Кыайыы 80 уонна Аҕа дойдуну көмүскээччилэр сылларыгар анаммыт Кыайыы знамятын эстафетатын Одуну нэһилиэгиттэн Бэрдьигэстээх нэһилиэгэ тутар үөрүүлээх күнүн тэрээһинэ элбэх өрүттээх спортивнай комплекска ыытылынна.

Үөрүүлээх улахан тэрээһиҥҥэ тыыл бэтэрээннэрэ, сэрии сылларын оҕолоро, анал байыаннай дьайыы кыттыылаахтара, бэтэрээннэрэ, Бэрдьигэстээх оскуолаларын үөрэнээччилэрэ, уопсастыбаннас кыттыыны ылла.

Кыайыы дьаралыгын Одуну нэһилиэгин баһылыгын солбуйааччы Василий Кривошапкин, Бэрдьигэстээх нэһилиэгин баһылыгар Алексей Аргуновка туттарда. Салгыы Кировскай нэһилиэгэ көрүстэ.