Горнай улууһун Бэрдьигэстээх нэһилиэгэр «Уот күөдьүйбэтин!» агитпробег бырайыактааһына саҕаланна. Маннык хамсааһын өрөспүүбүлүкэҕэ аан бастаан ыытыллар. Тэрийээччилэр бу сырыыга Горнай, Бүлүү, Үөһээ Бүлүү улуустары хабыахтара.
Маннык тэрээһини тэрийии туһунан (ВДПО) Баһаар уоттан харыстааччылар түмсүүлэрин Саха Сиринээҕи салаатын үлэһиттэрин көҕүлээһининэн тэрилиннэ. Бу хамсааһыны Саха Өрөспүүбүлүкэтин ыксаллаах быһыы-майгы министиэристибэтэ уонна баһаары утары судаарыстыбаннай сулууспа надзордуур уонна сэрэтии үлэтин ыытар отделениета өйөөтүлэр.
Тэрээһин сыала — саҥа дьыл бырааһынньыктарын иннигэр олорор дьиэлэргэ уот кутталлаах быһыы-майгы үөскээһининэн уонна саахалы аҕыйатыынан сэрэтии. Тустаах исписээлистэр олохтоохтору кытта олох-дьаһахха уот куттала суох буолуутун сүрүн ирдэбиллэрин билиһиннэрдилэр, чааһынай уонна элбэх хонууннаах дьиэлэргэ уоттан харыстаныы режими тутуллуохтаах анал уратылары быһаардылар.
