Горнай улууһугар үөрэх эйгэтигэр сонун, ураты суолталаах түгэн буолла. Аан маҥнай улуус историятыгар оҕо кэскилин түстүүр, күннэтэ кырачааннарга ийэлии истиҥ сыһыаны бэлэхтиир ытык идэлээх иитээччи көмөлөһөөччүлэригэр анаммыт күрэх ыытылынна.
Горнай улууһун уһуйааннарыттан бэйэлэрин дьоҕурдарын, сатабылларын көрдөрөр күрэскэ 11 иитээччи көмөлөһөөччүтэ кытынна.
Киэҥ тэрээһин кыттыылаахтара өйдөрүн-санааларын, билиилэрин, айымньыларын арыйар 5 араас түһүмэхтэри аастылар. Оҕону иитэр-үөрэтэр эйгэлээх үлэһиттэрин сатабылларын, уопуттарын көрдөрөн бэйэлэрэ туттар ньымаларын дьүүллүүр сүбэҕэ көмүскээтилэр.
Сонун күрэс кыайыылааҕынан Бэрдьигэстээх «Кырачаан ымыылар» уһуйаан уһуйааччыта Милена Пахомова аттанна.
