Горнай Бэрдьигэстээҕэр ини-бии Герман уонна Александр Контоевтар бириистэригэр көҥүл тустууга турнир түмүктэннэ. Манна сүүрбэттэн тахса бөҕөс кытынна.
57 кг диэри ыйааһыҥҥа Дьулустан Федотов кыайбыт, иккис миэстэни Айсен Винокуров, үсүһү – Любомир Ашерин ылбыттар.
61 кг диэри ыйааһыҥҥа Александр Авелов бастаабыт, иккис – Ньургун Терентьев, үһүс – Гаврил Макаров.
70 кг диэри ыйааһыҥҥа Егор Захаров тэҥнээҕин булбатах, иккис – Вальтер Владимиров, үһүс – Ньургустан Иванов.
79 кг диэри ыйааһыҥҥа Буян Цыренов кыайбыт, иккис – Петр Захаров, үһүс – Одун Сергеев.
79 кг үөһэ ыйааһыҥҥа Никита Хабаров кыайбыт, иккис – Данил Иванов, үһүс – Эдуард Максимов.
Турнир Герман Контоев 50 сааһыгар уонна бырааттыы Контоевтар аан дойду чемпионатыгар 2001 сыллааҕы өрөгөйдөрүгэр ананна. 20 сыллааҕыта Болгарияҕа 54 кг диэри ыйааһыҥҥа бырааттыылар бастакы уонна үһүс миэстэ буолбуттара. Герман Контоев – спорт үтүөлээх үлэһитэ, 2000 уонна 2004 сыллааҕы Олимпиадалар кыттыылаахтара, билигин тренер. Быраата Александр Контоев – Россия уонна Беларусь чемпиона, Европа, Аан дойду кубогын, аан дойду чемпионатын, аан дойдутааҕы универсиада призера. Билигин Роман Дмитриев аатынан Олимпийскай эрэл училищетын дириэрктэри солбуйааччынан үлэлиир.
