Бүгүн, балаҕан ыйын 27 күнүгэр, СӨ Судаарыстыбаннаһын күнүгэр Саха сирин бастакы бэрэсидьиэнэ Михаил Ефимович Николаевка сырдык аатын үйэтитэр пааматынньык Хаҥалас улууһун Покровскай куоратыгар туруорулунна.
Пааматынньык үөрүүлээх арыллыытыгар СӨ Бырабыыталыстыбатын бэрэссэдээтэлэ Кирилл Бычков, СӨ Ил Түмэнин Бэрэссэдээтэлэ Алексей Еремеев, Хаҥалас улууһун баһылыга Олег Иринеев, Бастакы бэрэсидьиэн соратниктара Климент Иванов уонна Матвей Мучин, М.К. Аммосов аатынан ХИФУ бэрэсидьиэнэ Евгения Михайлова, Бырабыыталыстыба чилиэннэрэ, СӨ норуодунай депутаттара, Хаҥалас улууһун уопсастыбаннай үлэһиттэрэ уонна эдэр ыччата көхтөөх кыттыыны ыллылар.
Тэрээһин кэмигэр СӨ Бырабыыталыстыбатын бэрэссэдээтэлэ Кирилл Бычков бэлиэтээбитинэн, Михаил Ефимович Николаев аан дойду таһымнаах судаарыстыбаннай деятель, дойдутун уонна өрөспүүбүлүкэтин туһугар ис сүрэҕиттэн ыалдьар, долгуйар, туруу үлэһит, киэҥ билиилээх-көрүүлээх, төрөөбүт дойдутугар бэриниилээх, үтүө суобастаах, саха саарына.
