От ыйын 9 күнүгэр 112 нүөмэргэ өрөспүүбүлүкэ олохтооҕо сураҕа суох сүппүтүн туһунан иһитиннэрии киирбитэ. Барыллаан дааннайынан, 1974 сыллаах төрүөх эр киһи Дьокуускайтан Хаҥалас улууһун Нөмүгү сэлиэнньэтигэр от ыйын 1 күнүгэр айаннаабыт. Онтон кини сэлиэнньэттэн 70 килэмиэтир ыраах сытар «Дьөһөгөй» сылгы баазатыгар тиийбитэ. Үлэһиттэр от ыйын 5 күнүгэр сарсыарда эр киһи сүтэрбиттэрэ. Ол кэмтэн ыла кини сибээскэ тахса илик. Эр киһи сүппүтүн туһунан иһитиннэрии киирбитин кэнниттэн оперативниктар суһаллык көрдөөн саҕалаабыттара.
Көрдүүр-быыһыыр үлэҕэ Александр Мостахов старшайдаах, ыттаах быыһааччылар кыттыстылар. Кинилэр суоллары, тутуулары көрбүттэр. Түүн беспилотник көмөтүнэн икки улахан бааһынаны көрбүттэрэ туох да түмүгэ суох. Бэҕэһээ быыһааччыларга көмөҕө сүппүт эр киһи аймахтара уонна чугас дьонноро кэлбиттэрэ.
Билиҥҥи кэмҥэ эр киһини көрдүүр-быыһыыр үлэ салҕанар.
