Хааччаҕы көтүрэргэ ыалдьыы коэфициенэ 0,8%-ҥа диэри түһүөн наада

Ил Дархан бүгүҥҥү брифинигэр коронавируһунан ыалдьыы Саха сиригэр 0,8 коэфициеҥҥэ тиийдэҕинэ биирдэ, хааччахтыыр миэрэни тохтотуохха сөбүн туһунан эттэ.

«Ааспыт нэдиэлэттэн коронавирус тарҕаныыта 1,24%-тан 1%-ҥа диэри түстэ. Хааччаҕы устарга коэфициент 0,8% буолуон наада», — диэтэ Ил Дархан. Оннук таһымҥа тиийэр гына миэстэтигэр, улуустарга баар суһал штаб салайааччыларын кытта уонна олохтоохтору кытта үлэни өссө бэрээдэктиэххэ наадатын уонна санитарнай нуорманы тутуһар булгуччулааҕын туһунан эттэ.

Санатан эттэххэ, бэс ыйын 23 күнүнээҕи туругунан Саха сиригэр 3817 киһи ыарыйда. Ааспыт сууккаҕа 75 киһи эбии коронавируска сутулунна.