Дьону хаарбах туруктаах дьиэттэн көһөрөргө Чурапчы, Алдан уонна Нерюнгри оройуонугар биэс элбэх кыбартыыралаах дьиэ тутулунна.
«Дьиэлэр бары бэрэбиэркэни аастылар, манна 193 дьиэ кэргэн киириэхтээх. Сотору кэминэн саҥа дьиэҕэ олохсуйуохтара», – диэн
Госстройжилнадзор салайааччыта Павел Аргунов. Бу нэдиэлэҕэ Томмокко уоннад Алдаҥҥа үс дьиэ докумуона бэрилиннэ. Манна уопсайа 113 ыал киириэхтээх. Нерюнгрига 12 этээстээх 69 кыбартыыралаах дьиэ тутуллан бүппүт. Манна 58 кыбартыыра хаарбах дьиэттэн көспүттэрэ ананар. Чурапчы Уһун Күөлүгэр 1 023,7 квадратнай миэтэрэ иэннээх үс этээстээх дьиэҕэ 22 ыал киириэхтээх.
Ону таһынан, Саха сиринээҕи айылҕаҕа тахсар баһаарга үлэлиир чаас дьиэтэ Бүлүүлүүр суолга тутулларыгар эмиэ техническэй бэрэбиэркэни ааспыт.
