ХИФУ сүүмэрдэммит хамаандата Красноярскайга ыытыллыбыт бүтүн Россиятааҕы курэхтэһии полуфиналыгар үһүс миэстэ буолла. Бу туһунан үрдүк үөрэх кыһатын пресс-сулууспата иһитиннэрэр.
Бу спортсменнар национальнай устудьуон лигатын күрэхтэһиитигэр бастакыларын кытталлара бэлиэтэнэр. Бу күрэхтэһиигэ бэлэмнэнии күһүн саҕаламмыта.
Тренер Сергей Скрябин этэринэн, хамаандаҕа «Заря» спорт кулуубугар дьарыктанар устудьуоннар кэлбиттэр.
«Мин хас биирдии оонньооччуну уонна кини хайдах оонньуурун билэбин. Уолаттар бэйэлэрин көрдөрдүлэр, сорохтор маннык үрдүк таһымнаах күрэххэ бастакыларын кытталлар. Билигин уопуттанан атын күрэхтэргэ бэлэмнэниэхпит. Уолаттар киэҥ таһымнаах күрэхтэргэ кыттар барьеры таҕыстылар диэххэ сөп», – диэтэ кини.
