Кыыллар клеткаларыттан эмбрион ылар in vitro ньыманы ХИФУ-га туһаныахтара. Билигин «Молекулярнай палеонтология» кииҥҥэ клеточнай үлэҕэ тиэхиньикэни туруоран бүтэн эрэллэр. Оборудованиены Араб Эмираттарыр сайдыытын пуондатын суотугар ылбыттар.
«Билигин маннык чинчийиини Россия аҕыйах научнай киинигэр оҥороллор. Биһиги инникитин ынах сүөһүнү колоннааhын биотехнология биир сүрүн хайысхата буолуоҕа дии саныыбыт», – диэбит киин сүрүн научнай үлэһитэ Лена Григорьева.
Билигин Дьокуускайга Араб Эмираттарын биотехнологическай чинчийиитин киинин сүрүн үлэһитэ, доктор Ли Джон Юн баар. Кини соматическай клетка ядротун көһөрүү туһунан кэпсээтэ.
«Ханнык баҕарар кыылтан клеткатын ылан клоннуохха сөп. Биһиги былыргы кыыллар кырамталарыттан тыыннаах клетка ылан клоннуохпутун баҕарабыт. Сэлии туһунан эттэххэ, биһиги слон клеткатыттан ядротун ылан баран, ол оннугар сэлии клеткатын ядротун угуохпут. Оччоҕуна, баҕар сэлии эмбионун ылыахпыт», – диэбит кини.
Абу-Даби пуондатын кытта ХИФУ 2019 сыллаахтан үлэлиир. Былыргы кыыллары чинчийиигэ 500 тыһыынча кэриҥэ доллар көрүллүбүт, тустаах тиэхиньикэ ылыллыбыт.
