ХИФУ медицинскэй институтун устудьуоннарыгар «Биһиги кэммит дьоруойа» диэн уопсастыбаннай наҕарааданы туттардылар.
«Пандемия кэмигэр ыарыһахтары кытта, колл-кииҥҥэ үлэлээбит устудьуоннары чиэстээтилэр», – диэн ХИФУ пресс-сулууспата иһитиннэрэр. Наҕараадаламмыттар ортолоругар төрдүс куурус устудьуона Дарианна Максимова баар. Кини ыарыһахтар туруктарын кэтээбит, ыарахан ыарыһахтары санациялаабыт, аһаппыт, көрбүт-истибит.
«Эдэр Гвардия» уопсастыбаннай тэриллии махтал суруктарынан волонтердар бэлиэтэннилэр. Кинилэр колл-кииҥҥэ, аһы, эми-тому тиэрдиигэ үлэлээбиттэр. Барыта холбоон түөрт тыһыынчаттан тахса сайаапканы толорбуттар.
Хотугулуу-илиҥҥи норуоттар тылларын институтун устудьуона Виктория Пинигина кулун тутартан волонтердаабыт. «Эдэр гвардия» регионнааҕы салаатын салйааччыта Александр Аверинскай хас биирдии волонетрга махтанна. Хас биирдии сайаапканы түргэнник толорорго кыһаллыбыппыт диир кини.
Өссө бу күннэргэ үс волонтерскай киин волонетрдарын наҕараадалыахтара.
