Саха сиригэр хотугу аҕыйах ахсааннаах норуоттар бырааптарын олоххо киллэрэр боппуруостарын быһаарар төгүрүк остуол буолан ааста.
Төгүрүк остуол кыттыылаахтара бэлиэтииллэринэн, хотугу аҕыйах ахсааннаах норуоттары үбүнэн-харчынан өйүүр, социальнай экономическай сайдыыларын усулуобуйаларын көрөр анал судаарыстыбаннай бырагыраама үлэлиир. Судаарыстыба өттүттэн үп-харчы уопсай суумата 1 млрд тахса солк тэҥнэһэр.
«Биһиги Россия генпрокуратуратын уонна Уһук Илин прокуратуратын уорганнарын кытта күүскэ үлэлэһэбит. Бу элбэх боппуруостары түргэнник быһаарарга көмө буолар», — диэн РФ Сибиир, Уһук Илин уонна Хотугу сир төрүт олохтоох аҕыйах ахсааннаах норуоттарын ассоциациятын бэрэсидьиэнэ Григорий Ледков эттэ.
Кини бэлиэтииринэн, хотугу аҕыйах ахсааннаах норуоттар бултарын уонна үгэс буолбут хаһаайыстыбаларын боппуруостара көрүлүннүлэр. Ону тэҥэ социальнай көмөҕө уонна биэнсийэҕэ аакталар ылылыннылар. Ону таһынан РФ бырабыыталастыбата хотугу аҕыйах ахсааннаах норуоттары испииһэккэ киллэрии саҥа быраабылаларын бигэргэттэ.
Санатарбыт курдук, РФ бэрэсидьиэнэ Владимир Путин бэлиэтииринэн, Уһук Илин, Сибиир, Хотугу сир төрүт олохтоох норуоттарын култууралара, тыллара, үгэстэрэ дойду баайа буолар. Билиҥҥи кэмҥэ Россия иһинэн 47 аҕыйах ахсааннаах норуот олорор, уопсайа 300-тэн тахса киһи ааҕыллар.
