Ойуур баһаарын утары охсуһуу быйыл өрөспүүбүлүкэҕэ сүрүн сорук буолар. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.
Иһитиннэриини Ил Дархан Айсен Николаев өрөспүүбүлүкэтээҕи бырабыыталыстыба салайааччыларын кытта былаанныыр мунньахха эттэ.
«2022 сыл сүрүн соругунан ойуур баһаарын утары охсуһуу буолар. Үп-харчы көрүлүннэ, онон билигин ойуур баһаарын утары охсуһар тэриллиилэр ахсааннарын элбэтэр, баһаарынай-техническэй өттүнэн хааччыйар наада», — диэтэ кини.
ЫБМ министиэристибэтин аныгы быыһыыр уонна авиационнай тиэхиньикэнэн хааччыйыы бигэргэммит бырагырааматынан 2030 сылга диэри 190 миллиард солкуобай көрүллэрин кини бэлиэтээтэ.
Маны таһынан, Арктическай балаһаҕа аварийнай-быыһыыр эйгэ сайдыыта үбүлэниэҕэ. Холобур, аҥардас ЫБМ министиэристибэтин аныгы бөртөлүөтүнэн хааччыйыыга 18 миллиард солкуобайы тыырыахтара.
