Ил Дархан Айсен Николаев быһа эпииргэ тахсыаҕа

Муус устар 25 күнүгэр олохтоох бириэмэнэн 19.00 чаастан Саха сирин Ил Дархана Айсен Николаев быһа эпииргэ тахсыаҕа.

Ил Дархан олохтоохтор ыйытыыларыгар хоруйдуоҕа, өрөспүүбүлүкэҕэ дьоһун суолталаах тиэмэлэри ырытыаҕа, Саха сирин сайдыытыгар стратегическай хайысхаларга бэйэтин санаатын үллэстиэҕэ.

Быһа эпиир НВК «Саха», «Якутия 24», «Россия 24» ханаалларга көстүөҕэ, «Тэтим», «Радио России», «Виктория Саха», «СТВ-радио» араадьыйаларга иһиллиэҕэ, итиэннэ Ил Дархан социальнай ситимнэригэр көстүөҕэ.

Ыйытыыларгытын 8-800-707-43-33 нүөмэргэ, 09.00 ч. 18.00 ч. диэри «быһа линия» колл-киинигэр уонна Телеграмҥа  @voprosGlaveYakutii_bot чат-ботка ыытыаххытын сөп.