Алтынньы 21 күнүгэр Саха сирин Ил Дархана Айсен Николаев Донецкай Норуодунай Өрөспүүбүлүкэҕэ үлэ сырыытынан СӨ тирэх пуунун үлэтин билистэ уонна Саха сирин байыастарын кытары көрүстэ.
Бастатан туран Айсен Николаев Саха сирин олохтоохторун ааттарыттан байыастарга төрөөбүт дойду көмүскэлин иһин бойобуой үлэлэрин иһин махтанна.
Саха сирин байыаннайдара сулууспалыыр бойобуой чаастарыгар Ил Дархан эбии тиэхиньикэлэри уонна сэптэри-сэбиргэллэри туттарда. Тиэхиньикэлэри эбии оҥорон таһаара туруохпут уонна СВО балаһатыгар тиэрдэн иһиэхпит диэн Айсен Сергеевич байыастары эрэннэрдэ.
«Буоларын курдук байыастары кытта олус сылаастык кэпсэттим. Кинилэр бары Кыайыыга настройдаахтар. Төрөөбүт дойдуларыгар эҕэрдэлэрин тиэртилэр уонна оҥоһуллар көмө иһин махтаннылар. Кыайыы хайаан да биһиги диэки буолуоҕар эрэнэбит!», — диэн Ил Дархан эттэ.
