Өрөспүүбүлүкэ баһылыга Айсен Николаев ыытааччы уонна суоруналыыс Ксения Собчагы кытта көрүстэ. Бу туһунан кини бэйэтин Instagram сирэйигэр иһитиннэрдэ.
«Биһиги саха киинэтин сайдыытын, ситиһиитин туһунан кэпсэттибит», — диэн Айсен Николаев суруйбут.
Өрөспүүбүлүкэ салайааччыта Ксения Собчак аҕатын, Санкт- Петербург бастакы баһылыга Анатолий Александрович Собчак туһунан альбому бэлэхтээтэ.
Айсен Николаев этэринэн, Россия хотугу киин куоратын бастакы баһылыга, Санкт- Петербург уонна Саха сирин икки ардыларыгар доҕордуу сибээһи олохтуурга уонна сайыннарарга элбэҕи оҥорбут.
Кулун тутар 11 күнүгэр Ксения Собчак Амма улууһугар айанныаҕа уонна саха киинэтин режиссера Дмитрий Давыдовы кытта көрсүөҕэ.
