Саха сирин Ил Дархана Айсен Николаев Мииринэйгэ үлэ сырыытынан Онуфриевтар дьиэ кэргэҥҥэ ыалдьыттаата.
Бэс ыйын 23 күнүгэр өрөспүүбүлүкэҕэ күүтүүлээх мөлүйүөн ахсаанынан оҕо Онуфриевтар дьиэ кэргэҥҥэ төрөөбүтэ. Кырачааны Саина диэн ааттаабыттара.
«Саина Гаврил уонна Арина Онуфриевтар иккис оҕолоро буолар. Кини 5 кылааска үөрэнэр Валерия диэн эдьиийдээх. Кыыс уус-уран оскуолаҕа сылдьар, миэхэ бэйэтин уруһуйун бэлэх уунна. Кырачаан Саина биэс ыйдаах, улааппыт, барыбытын мичээринэн сэргэхситэр, үөрдэр. Өрөспүүбүлүкэҕэ мөлүйүөн ахсаанынан төрөөбүт оҕоҕо кытаанах доруобуйаны, дьоллоох оҕо сааһы баҕардым. Бэйэм дьиэ кэргэним аатыттан Саинаҕа АГИКИ маастардара оҥорбут, күн быһыылаах үрүҥ көмүс харысхалы бэлэхтээтим. Бу харысхал кинини харыстыаҕа, дьолу, үтүөнү аҕалыаҕа! Кэлэн иһэр Саҥа дьылынан!», — диэн Ил Дархан кэпсээтэ.
