Ахсынньы 19 күнүгэр Ил Дархан Айсен Николаев Ил Түмэҥҥэ туһаайыытыгар атыы-эргиэн логистическай кииннэр ситимнэрин оҥорон түмүктүүргэ соруйда.
Эбээн Бытантайга, Өлөөҥҥө уонна Аллайыахаҕа кииннэр үлэҕэ киирдэхтэринэ кинилэр ахсааннара 13 буолар.
Айсен Николаев бэлиэтээбитинэн, атыы-эргиэн логистическай кииннэр эрдэ былааннаммыттарын курдук Арктикаҕа таабардары тиэйэри таһынан Дьокуускайга төннөрүгэр таһаҕастаах тиийиэхтээх.
«2025 сылга Дьокуускайга кэнсиэрбэ бородууксуйатын переработкалыыр уонна оҥорон таһаарар Арктикатааҕы атыы-эргиэн логистическай хампаанньа сыаҕы үлэлиирэ былааннанар. Манна Арктика улуустарыттан моруосканы, сугуну, уулаах отону таһан аҕалаллара ирдэнэр. Атыы-эргиэн логистическай кииннэр ситимнэрин толору үлэлэтэргэ бырабыыталыстыбаҕа соруйабын»,– диэн Ил Дархан эттэ.
