Ил Дархан Айсен Николаев Россия субъектарын салайааччыларын истэриттэн бастакынан ClubHouse саҥа социальнай ситиминэн таҕыста. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһтиннэрэр.
Лекция олунньу 20 күнүгэр Хотугулуу-Илиҥҥи федеральнай үнүбэрсиэт «Точка кипениятын» иһинэн ыытылынна.
Айсен Николаев Саха сирин историческай, култуурнай, инфраструктурнай эйгэ сайдыытын туһунан боппуруостары ырытта.
«Алта сыл Дьокуускайы салайбытым. Бу кэм иһигэр биһиги олус элбэҕи оҥордубут. Бүгүн, куораты салайбыт уонна билиҥҥи өрөспүүбүлүкэ баһылыгын уопутун холбоон, киин куорат ханнык хайысханан сайдыахтааҕын көрөбүн», — диэтэ кини.
Айсен Николаев, өрөспүүбүлүкэ киин куората — бу Саха сирин олохтоохторо бары дьулуһар кииннэрэ, кини бүтүн өрөспүүбүлүкэ саҥа хаачыстыбалаах олохтоноругар олук буолар.
ClubHouse — диэн бу анал ыҥырыынан бэлиэтэнэн киирэн, бэйэ-бэйэни кытта аудиочат нөҥүө кэпсэтэр социальнай ситим.
