Бүгүн, от ыйын 19 күнүгэр, Саха сиригэр Оҕо саас сылынан биир кэлим эксээмэни (ЕГЭ), түмүктүүр судаарыстыбаннай аттестацияны (ГИА) үрдүк баалга туттарбыт үөрэнээччилэри, ону тэҥэ бүтүн Россиятааҕы олимпиада призердарын үөрүүлээх быһыыга-майгыга наҕараадалаатылар.
«Оҕолорбут ситиһиилэрин тэҥҥэ үллэстэр үтүө тэрээһиннэргэ сылдьан мин Сахабыт сирэ сырдык инникилээх диэн үөрэ саныыбын. Биһиги кинилэр үгүс сыраларын уурбут үрдүк ситиһиилэринэн киэн туттабыт. Ис сүрэхпиттэн оҕолор төрөппүттэригэр, уһуйааччыларыгар махтанабын. Эһиги кинилэргэ бэйэҕит билиигитин, үөрүйэххитин, уопуккутун, кыаххытын, тапталгытын тиэртигит», — диэн Айсен Николаев эттэ.
Ил Дархан үрдүк ситиһиилээх оҕолорго 100 тыһыынча солкуобай туттарда.
