Ил Дархан граннарын куонкуруһун түмүгүнэн 80 коммерческайа суох социальнай хайысхалаах тэрилтэлэр үбүнэн өйөбүлү ылыахтара. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.
Гражданскай уопсастыба сайдыытыгар туһуламмыт граннар уопсай суумалара 103 мөлүйүөнтэн тахса солкуобайга тэҥнэстэ. Сайаапкалары 2021 сыл ыам ыйын 9-тан бэс ыйын 7 күнүгэр диэри grants.yakutia.click порталга туппуттара.
Куонкуруска 29 оройуонтан уонна икки куораттан 341 тэрилтэттэн уопсайа 424 сайаапканы суруйдулар. Горнай улууһуттан 41 сайаапка киирдэ, Кэбээйиттэн — 26, Намтан — 24, Амматтан — 20 сайаапка.
25 хайысхаҕа патриотическай иитии уонна доруобуйа харыстабылын сайыннарыы, уопсастыбаннай бэйэни салайыныыны өйүүр бырайыактар ордук таҕыстылар. Ол курдук, холобур, Эдьигээн оройуонун оскуолалара дистанционнай үөрэҕи тупсарар локальнай ситими олохтуур былааннаахтар, «Халыма тускула» тэрилтэ Орто Халыма улууһун оҕолоро айымньылаах бырайыактарын, хоту дойду усулуобуйатыгар олохторун-дьаһахтарын билиһиннэрэр соруктаах «Тээкэт – Юность Колымы» YouTube-ханаалын арыйар соруктаахтар.
Кыайыылаахтар испииһэктэрин ссылканан киирэн көрүөххэ сөп.
