Саха сирин Ил Дархана Айсен Николаев Ил Түмэҥҥэ ыҥырыытын оҥордо. Манна кини ааһан эрэр 2025 сыл түмүгүн таһаарда, өрөспүүбүлүкэ кэнэҕэски сайдыытын стратегиятын, парламент, бырабыытылыстыба, өрөспүүбүлүкэ бэйэни салайыныы уорганнарын сүрүн инники күөҥҥэ турар үлэтин билиһиннэрдэ. Ол курдук ааһан эрэр үбүлүөйдээх Улуу Кыайыы 80 сылыгар «Бессмертный полк» аахсыйа5а 145 тыһыынча Саха сирин олохтооҕо кыттыбыта, Аҕа дойду Улуу сэриитигэр сырдык тыыннарын толук уурбут саллааттарга мемориаллары арыйыы, пааматынньыктары туруоруу, бэтэрээннэри чиэстээһин, кинилэр хорсун-хоодуот санааларыгар сүгүрүйүү, кинилэр ааттарын үйэтитии бу биһиги ытык иэспит буоларын эттэ.
Маны сэргэ Ил Дархан өрөспүүбүлүкэ тырааныспарын, суолун хаһаайыстыбатын сайдыытыгар улахан болҕомтотун уурда. Быйыл бу салааҕа тэрээһиннээх үлэ бара турар. Ол курдук, Жатайдааҕы судоверфь тутуута түмүктэнэн эрэр, Өлүөнэ муостатын тутуу тигинэччи бара турар. Бу саҥа бырайыактар өрөспүүбүлүкэ сайдыытыгар, дьон олоҕор, таһаҕас таһыллыытыгар дьоһун кылааты киллэриэхтэрэ.
Түмүккэ Айсен Николаев туһаайан этиитигэр үүнэр 2026 сылы култуура сылынан биллэрдэ.
