— Улуу Кыайыы 80 сылынан Аҕа дойду Улуу сэриитин кыттыылаахтарыгар Саха Өрөспүүбүлүкэтин бочуоттаах гражданина диэн үрдүк аат иҥэриллибитэ. Олортон биирдэстэрэ Нүөрүҥгүрү Чульманыттан сылдьар Валерий Спиридонов Кыһыл болуоссакка Кыайыы Параадыгар кыттыбыта.
— 14 тыһыынча бэтэрээн үбүлүөйдээх бэлиэлэри уонна биир кэмнээх төлөбүрдэри ыллылар.
— Саха сирин үрдүнэн сэрии кыттыылаахтарын ааттарын үйэтитэргэ үлэ тохтоло суох ыытыллар.
— «Бастионы памяти» бырайыак чэрчитинэн көрдүүр этэрээт көмөтүнэн кыргыһыы буолбут сирдэригэр үлэ салҕанар.
— Кыайыы күнүн чэрчитинэн Саха сириттэн бастакы ССРС Дьоруойа Федор Попов пааматынньыга туруоруллубута.
— Быйыл Ийэ дойдуну көмүскээччи сылыгар РФ Бэрэсидьиэнин ыйааҕынан Саха сириттэн үс байыас Андрей Григорьев, Алексей Петров уонна Петр Киприянов (өлбүтүн кэнниттэн) Россия Дьоруойа аат иҥэриллибитэ.
